Mwene nyaga

Ngai Mwega we mutangiri wa ita Mwamukiri magongona ma andu airu Ngai uri mbere tutingihotwo ni thuu Mwene Nyaga; Twakuhoya 

Tuhoyaga wendani na gitio Na thaa nyingi cia wendo wa ruriri Uiguano wa Gikuyu na Mumbi Mwene Nyaga; Twakuhoya 

Tuhoyaga tukonana twi ithuothe Kuma Ngong nginya karima tura Hindi iiyo kieha nigigathira Njamba cia ita, na aciari aitu 

Kamatimu muruagira ukombo Njamba cia ita ikiruira bururi Twatigiirwo ni Gikuyu na Mumbi Mwene Nyaga, Twakuhoya 

Uthoni wa kanyanyaini

Reke tukurie Musaimo, Watutuma Kanyenya-ini, Tukugirire Kairitu, Watuconorire niki? 

Nima tikumuconora, Ndoniire nie ndingihota Indo icio ciothe iretio Ni ithe wa kairitu kau 

Kwaria maa wahahurirwo Ni itu na gutiari mbura Muthuri ucio oiga ni noru Kai akiugite igithinjwo?

Guitar

Kindu kia mbere twerirwo, tware mwati na harika, Na kinya giake kia mbaki coke urumiririe njohi

Nguuria nie njohi ya njurio Na igwa ithui tutituragia Nie no ndimutwarire Maendeleo anyue igiri

Ndwonete we ni ukuruona, Nake nyina mumuciari Ngoi iria muiritu atuire Nayo nonginyagia utware

Guitar

Kuuria wira ni kuruta, Nyamikwa yari ya cuuwe Muiritu ariithirie mbia, Na hangi no nginyagia urihe 

Ona kaba airitu a riu, Matiri na na miracirie, Ithe agutha cuba igiri Agatuira mata githuri, 

Uyu ekugurwo gitene, Tiaria mwoyaga ta ngima, Ningi ndwambite kumenya Ni wa muhiriga uriku

Guitar

Twaiguire ithe ni Mumbui Ati wa Mbari ya Marigu, Rika ni wa Kihiu Mwiri, Matihakagwo macuru

Nguuria hihi ni Mwithaga? Na Ethaga tutiguraga, Ona wa Mbari ya Iregi Ona kana Ica gitumbi 

Athungu no maturaga Na matiri mihiriga Kiugo ni wendo ni wendo Ukumugura umugure 

Guitar

Wemungu rangaiya mauna wa mburi yene kuguru We ti muritu wendaga, Twarutaga wa gitati 

Ti kumu let down, Ngwihika niguo twonane Na ithe wa kairitu kau Njigwe nie ndikaneragwo 

Mukinyire uri mwana ucio, Ona ngari ni kunyakwo Musaimo watigwo niko, Ni ukarira na uturirie

Ithabu ria wendo

Koro wendo ni riera nie ingiakuire tena Tondu wendo ucio waku thimagira ta dawa Wendaga riria wenda no ti riria nie ndenda Ona koro ni miti, ni wangiriria dose Wendaga riria wenda no ti riria nie ndenda Ona koro no miti, ni wangiriria dose 

Uria nyendete ndanyendete Uria wendete endete ungi Ithabu ria wendo, rikagwo atia koona anja ya uria ukwendete Ithabu ria wendo, rikagwo atia koona anja ya uria ukwendete

Wendo ni urimu muru, wendaga utakwendete wagage toro ni undu wa mundu wendete ungi Irio igacama tiri kahinja ni undu wake Na hindi irio we araria, ikeno na uria endete Irio igacama tiri kahinja ni undu wake Na hindi irio we araria, ikeno na uria endete 

Wendo ni njira igiri unyende na nie ngwende no ti muherithanio gutiri ngombo yo ngi akorwo ndunyendete jira njikare kando akorwo ndikwendete ngwire wihe mihango akorwo ndunyendete jira njikare kando akorwo ndikwendete ngwire wihe mihango 

Wendo jera ya maisha ikirite kamiti wanjohire hakiri ndingienda muiritu ungi no riu ndi munogu ndekereria thie makwa ona birauni niarekereirie israeli no riu ndi munogu ndekereria thie makwa ona birauni niarekereirie israeli

Kana gakwa

Ke nguinire kana gakwa niuheyaga hinya ndaneririria indo nyingi iria itoi kana ningona ona macio mangi maga rimwe niriahingire ukaga ukanyita guoko ngera Ngai wakwa thengiu ukaga ukanyita guoko ngera Ngai wakwa thengiu

Unyonaga ugakena ngarigwo ngukuhe ki ndakunyita ukahorera mokoini ta kamuraika we nowe utakandiga ona ungithie na ndege na gutuike ndugacoka ugutura wi kana gakwa

We wi kiheo kia goro kiria itangigurira nikio ona kwina mathina nie nguonaga ngahorera korwo Ngai niaheire we ndari undu atangihota riria wi mokoini makwa nyonaga thi ta iri yakwa riria wi mokoini makwa nyonaga thi ta iri yakwa

Njiguaga uuru muno riria nguona ukirira riria uraturwo ni handu kana riria wi muruaru na we wi thakame yakwa ngera Ngai akuhonie kwehererie minyamaro ona mitangiko ya thi kwehererie minyamaro ona mitangiko ya thi 

Ndingienda uture na thina ona akorwo ti nie Ngai nikio njukiraga tene ngagutiga ngathie wira gucoka njokaga utuku na ngoka ndi munogu ningwendete kana gakwa nikio nie njethaga mbeca ningwendete kana gakwa nikio nie njethaga mbeca

Kiria unjitagia ngaga tigaga kurakara na ndukae gwitigira ugitia kiria wiririirie ucio niguo wira wakwa nikio njitagwo dadi thino niri irima weru na mikuru utangiringa  thino niri irima weru na mikuru utangiringa

Wenda gutura na thayu ikaraga wina uugi ithueri na mami wanyu twi haha ni tondu waku kiuria giothe ungienda kuria urie niugutaririo ndukanakire na thina gutiri wituragia thi ndukanakire na thina gutiri wituragia thi 

Ngai njiguira tha

Nguuria andu aitu kai ndaringiire iroge Na ndiri ndaruma Ngai Nandatuura thiururukitwo ni ukia ii Na mururo ta njuki ikihunga irua ii Ngicaria wira

Ndi muthomu githomo gitandeithagia Niciathuire ndongoria Na ciringi thiku ici niyo yaragia ii Nirwarundire, njiragwo njoke muhuko Ndute gituiku.

Ngai i, njiguira tha ndi o waku Woii Ngai i, nowe mwihoko wakwa

Ngithie handu ngeraga mukira-ini Ndikahingice itonga Kuria nai ma ti kwenda kwa mundu ii Ici ngaita ndiaga itegucienda Na ni mathina

Rika riakwa aria magiire munyaka Magikiona mawira Manginyona ngiingira kwao wabici Meyunaga makagera wa thutha ii Ndikamakombe

Chorus

Nuu witu ngutuma akere maitu Mwana wake ari o muoyo No ndiretha no ndirahura kiriiyu ii Ciathira kara kindu kiuru no murimu Nduire na mwihoko

Ndoiga ngaiye ngucinwo njurire thi Na ngumo njuru ituure Na ndeita ngutiga mami witu ii, ona mathina Na kwa Ngai ngie ituuro ii, kwiruta muoyo

Chorus

Kindu kiega

Gutiri kiundu ki murio thino ta kumenya he mundu ukwendete mundu ugwiciragia oro mawega kihoya gakuhoera wega

Haiya iya iya iya kuruga wa wanjiku ningwendete na ngoro yothe x2

Ndigwitaga my sweet heart kindu kiega kwi indo ciothe cia thi gwi gikeno kana kwi na thina we niwe ikeno cia ngoro yakwa

Njiguaga uuru wi muruaru uremetwo ni kwi ikira undu korwo nikuruaranagirwo ii ndakuruarira tondu wi mwega

Ngutura ngwendete kindu wakwa tene na tene wi ikeno ciakwa nguheithagie gitio kuri andu na menyagirire ngoro yaku

Twana twakwa

Ndina twana twakwa nie itangienda wakalf turio ni thina to uria ndarerirwo naguo x2

Wona ngiruta wira na kio andu aitu ni mathina ndanahitukira ndikanamone gwakwa ndu nda na ngunguni cianaturia ndingienda kuona kana kuigua ikinyarira ciana ciakwa

Turungi na dubia ya kiroko githeri tari mboco mikuro twaruagira rucini mai ma cumbi tugithie cukuru gutindira kurarira ndingienda kuona uguo gwakwa

Githomo twathomire na mathina kuhumbira njaga na ruhi na notwatoborire kanyitira kahoraga tugakia mwaki twathomire ni bahati nikio ndirutanagiria

Nyumba yar ya nyeki kwoiraga ta nja twararaga tugithama o mundu na ikunia riake weikia rungu rwa uriri nguku ni cio icio ireragira rukuini andu aitu ikaya kuigana

Ndingiaiguire nyoni ikigamba na ndioe fanda mbura yoira mwari wa maitu nake no kunyita nguya wiyurie ciana ikumi irio igayagwo atia mundu utari wakanyuira ndangimenya kari rita

Wira wa ibarua twarutaga muritu nikio itangirera ciana ciakwa to uria ndarerirwo mwana athiyaga kahinda ngui cie thutha ngwikira kio thina ndanaria ndikanaurie ruciu

Muoyo ti kibandi

Tondu ninguona utuite uturo ni gicukia ii gwakwa ugitua ni ndunyu no uria ngwendire ukage on matiribu ndunyu ya muthithi riri wathie ria muico no uthie ngwage

Nie nimenyete uturo ni muoyo ti kibandi kiria gia thirikari wate ukoya kingi ndireciragia ingikua ungiuga uragwo ii tuthikwo ithanduku rimwe ni uria unyendete

Ndireciragia ndari ingiikio njera wui ungirugama igotini uge twohwo hamwe ni uria ukindiragira John sweetie wakwa githi murigo weraria niurituhaga

kai ndarumire uu Ngai John wui niguo akuhe hinya uguo o mwaka ugathukia ikundo ria wendo waku hari nie akinyitia ungururagia ta makumbi ma mugithi

Ndereciragia uturo ni witu nawe wui uranyonia mundu aciarirwo ni nyina mwanya riria urahitiria ndonaga o ugika wega sweetie wakwa ngakuohera ati no wendo

Nindironire sweetie uturo ni wakwa nyiki na ndiramenya wendo waku ti iria ndironaga tari we utumaga nie hihie no ndiragutuka riera ni ri Ngai

Wendo virgin

Wari wakwa nie na nindakwendete ona akorwo wendo nduagaga mirima na mabonde nindaenjoyaga life twi nawe ndaturaga nguinaga ta rwimbo wari top 10

Wendo witu wari virgin, Wendo witu wari virgin woi ii wanyendete ona nie ngakwenda na ndiari na ungi ngoroini wa gucompare nawe

Wendo waku ndukariganira ngoro ona ingitura uhana vision iria ya 2030 watigire wekira landmark we wari muico gutiri uri wacoka ithenya riaku

Hatiri undu ta nganja nindakwendete ngoroini yakwa niwe wahiuragia mucarica maisha makwa ndiatunganite na ungi wendo waku wari na murio gukira nyama choma 

Gutiri undu ona umwe waku ingiaria muru miaka iyo twaikaranitie nie nindaiganagira kiria giothe ingiendire turi nawe nindakionaga wamenyagirira taa iria ri riko

Kariki giki special we wari nakio tondu ngoroini niwe uturaga utuma tumaga niiwaingirite thakame mikihaini nginya mahindi ti itheru nowe wanogoraga

Wendo munene gikuyu nikioigire ati ndukinyaga kuigua ati ni ithui twatiganire indi ucio tiguo wari muico witu tondu munyaka werirwo ati uri mbere ya kahinga

Muiritu wa Narok

Susan naicia muiritu wa narok kaba ungiajirite niwari na muthuri ngure nguo ya gugekira riua riara mugunda wa gukuombora ndwakagwo ya ihiga ngure nguo ya gugekira riua riara mugunda wa gukuombora ndwakagwo ya ihiga Suzi

Ririkana tuonaniire nawe naikuru staff lodge ndacini twina timona ukinjira witagwo susani naiciai na kwanyu ni narok hakuhi na rigitia ukinjira witagwo susani naiciai na kwanyu ni narok hakuhi na rigitia Suzi

Timona ndetikirie aigua wi mumathai tondu cura yaku uhana muceri ceri akijita na mwena na akiheherera kindirikania ciothe ciahenia ti thahabu akijita na mwena na akiheherera kindirikania ciothe ciahenia ti thahabu Suzi

Ndeciririe Timona ni wuiru uramuria na ngitua na ngoro wi kindu wa kinuthia githi ni mukua ndoire ngikira ngingo muthuri guo ari muici akiohwo miaka mugwaja githi ni mukua ndoire ngikira ngingo muthuri guo ari muici akiohwo miaka mugwaja Suzi

Muthuri guo oima njera niaheirwo riboti muka ahikirio ni kinuthia uria wuinaga ndiramakire ndona thamaji ya chibu ngukua umbani ndegwo ni Ngai na caitani ndiramakire ndona thamaji ya chibu ngukua umbani ndegwo ni Ngai na caitani thie ku

Ungiahete uhoro wa ma niengifangite wira uharaga niundu wa kwaga mathabu muici wa wendo wene niari na kirumi Ngai arohutia athuri aya matue cira wega muici wa wendo wene niari na kirumi Ngai arohutia athuri aya matue cira wega na ma

Korwo ni nie ngurio ndoiga njirwo nguhikie tondu ndatuirwo thinjo no ngeirwo ari nie na mugunda ndiendia tondu ni wa family Ngai njiririra tondu ngoma no gutheka na mugunda ndiendia tondu ni wa family Ngai njiririra tondu ngoma no gutheka aratheka

Ihii ciethamba itiotaga mwaki ringi nyama iri cama no yafutha ni poisoni mbeca wina cio ni njega indi no gikuo ndarekio haha nie ngurara ndina kiremba mbeca wina cio ni njega indi no gikuo ndarekio haha nie ngurara ndina kiremba mutwe

Uturo Muritu

Mwari wa maitu tiga gwitigira wamona ii Hau tukinyite twirerete na thina Kuma twathutukania ya kuria na ya ikumbi ii Noguo ngia na muigua ciamenyire kumatha Kuria na kunyua twatuirio ni ngogoyo ya igwa ii Ireragira ruku-ini na ikaya kuigana Ndingienda kuririkana thina twarerirwo naguo Matuigite na ndogo ta riiko ria ngu njigu 

Maitu Wairimu athire na utuku ta muniko ii Mwengu na rigitu ciarigicaniire uthoni Akirowo athii na mbura yuure imurinde makinya ii Mbari ya Mungai Ukabi ni muhunu mutu Giathia njenga maitu athire ta aikio na kiano Tugitigwo na baba na mwari wa maitu Tugitigwo gutiri ungiarutire ungi riiko Baba ndaturumbuyagia aturaga kwa ngatha 

Tondu ruthuko runungaga ruri kinya-ini Baba akundite hia igiri agambaga ta nduthi Mahitanirie na muthuri umwe wari wa ituura ii Muthuri ucio ari ngati thakame iria njuru Inegene na mbitika kwari gicanjama ii Baba akigutha muthuri igutha ria kiurago Ciira wacirwo baba akiohwo njeera miaka itandatu ii Tugitigwo riua-ini na mwari wa maitu 

Twatigirwo gicagi kia ndurika cia mung’etho ii Kuria uugi wa arume wakigirire igeca Campaign ya uurũ wa baba yekirwo ni atumia Athuri a kanitha tondu ni anyuaga kari Makihakana njeera baba witũ ahurwo ii Atwarirwo thibitari atekwigua Rĩkiuma ngo-ini riboti igiuka baba ndari ho ii Ona ndarekirwo arikie kioho kiria ohirwo 

Mundu ari gukuithia ithe no Ngai uri bata nake ii Nindamenyire ati nyumba itirimanagira Riria baba akuire kwagire njege cia muniko ii Ingi ni broker njuru njuki mwaria njarie Utonga wothe wa baba wa mburi na ng’ombe ii Migunda na mburoti ciendirio kimungunyo Tukirwo tuthii biu kuu tutiri na wako ii Tukirwo tumire bara tugethe maitu 

Haria thu iikagio tiho iguaga nitwathire ii O karima tukagua tugiethaga maitu Tondu kuma atutiga ndaigana nari kwihugura ii Marakara manene merirwo ni mutino Ngai niarumbuyagia wothe uria umukayagira O na tutonete maitu tukiona wira Mutiga mwahu akoraga igima nitwagire indo ii Maitu uri o haria uri umenye no turagwetha

Niunguwaga wana

Ndirakunyita wega ta cokera uguo woiga kana ni mucumari wakwa umwe uhatukite kanua ni kirimu rimwe ni karumaga irio nindakena muno ni kumenya wonja waku

Wokire gwakwa wi na kabuti kuri riua na kobo kobo utukaniirwo ta ngui hutu ndanjia gutheka ukijira ici  niiregete uka kioi umwaririe ndingitobora nyiki

O nie muguteteri no nie muthukia gwaku hindi iria uhitiirie mukaguo ngamuigwithania ngutuwaga murata nawe ukandua material cia gwaka mucie waku niunguwaga wana

Ndingiconoka nie hana mukua tuhu urimu ni wakwa tondu rua niajirite cia andu eri mendaine kia maitu icio ugaga kimi ndakuohoraga mutegoini wangwatia naguo

Ti rimwe kana meri mukaguo anakunyita na muhiki tugacora ati ni demu yakwa na tondu ni oi ndiri andu aya we agatwitikia korwo ni ndoi ungiamikanaga iri miromo

Chorus

Riu uroiga ati ninie huraga thimu gwaku na number cia mukaguo ndicioi uri dick korwo ni ndoi uri numi tugitheka nawe ingiaguikirie ifuri kanu njoke hingure

Uhenagia mukaguo ni nie nguonetie njohi ko utangimwira uhoro wama uria wi na key hindi iria utainukaga gwaku ukarara city mwire kuria ukomaga na muraraga nau

Chorus

Ndigugutuira cira wi kirimu na ndui nindirakuhere wakinya kuria umite gitau uria wa rongai niajirite mbere gutiri mundu utoi muikaragirwo ta iti

Uhenagia mukaguo ni nie nguonetie njohi ko utangimwira uhoro wama uria wi na key hindi iria utainukaga gwaku ukarara city mwire kuria ukomaga na muraraga nau

Nie ndiihota guthie kuiya

Nie ndiehota guthii kuiya, kana njurage mundu nguige wega Wetia giki ugetikia giki, icio ciothe ndi ngiona ni uhoro waku 

Ndaciarirwo ni baba ari ngia, agikua ari ngia akindiiga ndi ngia Maica maitu ni tukate jasho no ti ati ndaaga kindu ni baba njuru 

Ni njui wihumbaga mucati na thuruari uri wa imwe na ucio ti undu Niui uria ndihinyanagiria na kahora kari indo, tiiga tamaa 

Chorus

Umuthi ni ithui turerarera no rucio ni ithui tukarugaruga Gutiri i kahii itagatio mutwe ona okorwo ni wa thungura 

Gitige kunyona ta ikunia, ukia nduriria wamenanirwo Ndingienda kuihuria mathiiri ituura riothe niguo nguige wega 

Chorus

Ni ui hinguragira ngui ngathie kugwima niguo twone nyama Ti kwenda ni tondu ndingihota kuona cia nyama na cia muringiti 

Ni njui tukiona maguta no ngurire ngarango ndi igathime Mathakwa nimo thabuni witu mutuura muoyo no agaturathima 

Chorus

Wanjira - Timona Mburu

Nguririkana Wanjira, Uria twendanite wooi, Ndiramwetha ngamwaga Thakame mwiri wothe ikenda kurugama Nikio no woone, Mundu agithie akiyaragiria njiira-ini No ti kwenda ni thiina, Angi ni gukuiirwo Angi ni kurogwo Na magerio maingi wooi 

Kwari muthenya wa kiumia Twathiíte guceera ii nake Picnic ya wendo, Juma iyo twerekeire, Tugiike uhiki Tondu wendo witu, Twendaniire cukuru tugithoma Nguririkana, mbeca cia kubanga uhiki, Akombete wira-ini, Ari mundagitari, Na nie kwendia thubu Dagoretti Arí mundagitari Na nie kwendia thubu Dagoretti 

Twaumite múcie, Tugathií guthambira nake River Tana Tugakuwo ni boat, Na tugakuwa ndoano Tugatege thamaki Tukiumagara, Ni erire aciari ake twathie na tutiguikara Akimera bye bye, No mumenye muthii ndaumbikaga irigú Akimera bye bye, No mumenye muthii ndaumbikaga irigú 

Nitwakinyire,River Tana Na tukiingira rui tuthambire Nakio kingangi gigiuka kirakaire muno ií ni kuhuta Gikigutha boat, Ithui eri tugiikio ruui twi na mwendwa Ni twageririe gutubira Niguo tuhonokie mioyo itu Natutanaimira, Gigiturumirira na tutimenye Natutanaimira, Gigiturumirira na tutimenye 

Nikiaringire Wanjira, Gigimutinania maita meeri Akigeria kungaira Timona ndakua wooi Ndagutiga nau? Ndona uguo ngiura maitho, Ndaririkana Wanjira ena nda yakwa, Ni ndageririe ndubire, Ndue na kingangi kaba kinjurage, Ngiguthwo ni gikumbo, gia thakame yake ikiiyura mwiri Thigari cia game, Nicio ciahonokirie Ona nie ní ingiakuire 

Ngutura ndiraga nginya ri Tondu ndikamwona ringi woi Wanjira Twethire mwiri wake, Rugongo nginya kianda Wooi ukinyua kagera Ngituria ndu ngiriraga Ngiuria Ngai Baba wakindunya niki? Nari korwo wareka, Akinjiarire kaana thakame yakwa, Ngirigwo ni nyinuke, Kana ndiikie ruui ngue ndimukinyire, 

Ni ndathaithirwo ni raia iria yokite woi kuhoreria ngoro, Ngikuua nguo ciake Iratu na kamithi ngicinukia mucie Aciari riria monire Ndehetwo ni andu eri tukiriraga Mbu ikigua itura riothe, Wanjira wakua wooi Uhiki uri muraririe Mbu ikigua itura riothe, Wanjira wakua wooi Uhiki uri muraririe 

Na inyui aciari woi a Wanjira Ndamuthaitha wooi muhorerie ngoro, Tondu gikuo ni ciira Utacokagio appeal Ni kwenda kwa Ngai Nguririkana Ayubu Atunywo indo ni Ngai Ndatuire undu, Gwitikia kwa Ayubu Acokeirio indo ciake maita meeri Nainyui arata akwa, Mukage kumbukumbu O mwaka woi cia Wanjira Tumuririkanage, Wanjira wanjuriire No ti kwenda Nawe Ngai Baba uige Wanjira hega no tukonana Nawe Ngai Baba uige Wanjira hega no tukonana 

Arume hatuwezeki

Jack ni ngiraga rimwe ngaigua tha Jack ni ngiraga rimwe ngaigua tha Niundu wa thina; Ndamenya nikuri mundu umenagwo tondu ena thina Ndamenya kuri umenagirwo tuhu ni tondu wa ukia 

Hobby yakwa ni kuriunga bururi Hobby yakwa ni kuriunga bururi; Nie ndihingaga maitho makwa Riria nguthii na njira nyonaga maingi Ni ndiyoneire na maitho mundu muthini agitonga 

Arume! Arume! Indo itionagwo ni ithayo Thina wonagwo ni arume Arume! Arume! Ona akorwo kwina thina Arume hatuwezeki! 

Micie ino mukuona ihana kirore, Micie ino mukuona ihana kirore; Ndihananaga, Gutiri mucie utari thina waguo micie ni ndogo Gutiri mucie utari muringiti waguo wa thina 

Gutiri uthuire kuria na giciko, Gutiri uthuire kuria na giciko; Nikio andu aingi mokiraga ruoro rutanatema magathie gwetha Makinyanirie cioneki utonga umaga kuraya 

Chorus

Tene andu ni matongaga na uriri Tene andu ni matongaga na uriri indi thiku ici nikuri marehingica magathie gukoma rungu Ngemi cia mwana ti nyingi ta kiriro mathiko-ini 

Mundurume niari wira muritu Mundurume niari wira muritu Aya ni aciari nio ciana ciake cia mbere akuwe mathina mao Mutumia wake na ciana nowe macuthiriirie 

Chorus

Arume niyo maturagia micie Arume niyo maturagia micie; Ngai ari mbere kurihira ciana fees woi nio breadwinner Mundurume utana wake ukirite wa Red Cross 

Ngai Baba rathimaga arume Ngai baba rathimaga arume; Na wanjie na nie Undu arume matitikite mirigo na njoherera Jehova uheage arume ciakúria na ciaguitanga 

Carolina - Maina Jimmy

Muhiki muthaka Akoragwo ahana ta thinema Kana television ya kwirorerwo ni arume, Ndiratuire njugaga nie ndi waku Carolina Ni kimako kinene nie ngiona card ya uhiki 

Kiss iria wahuriire Mukuyu Haria Alpha, Ciari farewell ya wendo witu nawe dear Nikio wari na wasiwasi Ta nugu iri ugeni Tondu ni woi Mari uturi makirie gukinya 

Carol, Lina ií Biu biu niwandiga Wanie wanie Wandiga bila notice Aaaah, Aaaah Woi Woi Ngugika atia? Aaaah, aaaah Nie Jimmy ngurora naku 

Murimo witu na wanyu Carol wahakanitio Ni ndaracana nene muno Yageraga mugithi Hindi imwe ndendire Guikio ruui ni eki naai Tu collidanite nao thaa thita cia utuku 

Ndikariganirwo ni haro nditu ndahurirwo Ni dereba na makanga ona maconductor, Mukuyu club Umoja Matuhobaniirie Macungiriro ndakomire ward ciumia ithatu

Chorus

Wira muritu ndanaruta hanyu mukawa-ini, Kurugithia mami wanyu hatari na mucara Indi ti uhoro thí ino ithui othe turi eherukiri Meciria ma mwiri matiendaga ukagaya muoyo 

We Ngai Baba ni ui Ndiri na murata ungi Akorwo iguru ti gwitu Ngai nie ngugika atia? Araika ni makanjoya Mandware iguru Na ndigeciria uhoro wa ahiki Nie ndi ikenero 

Mwendwa Nyumburira

Mwendwa ni ngukúuria kiuria Nawe sweetie unjokerie Tondu ndikwenda kuhana ii Ta ndutuura iria karimu Niui nie ningwendete Ndukanjige na ciagago Ndukanjagagie ta maai Me irutu-ini mwendwa wakwa

Ithabu riaku ria wendo Ria gutara na kuruta Ndi mwena uriku Ta njira ií Ndigekarange na makwa Akorwo nie ndi ithabu-ini Ria kuruta nyumburira Ngihure gataru muiko ii Njuge thí ndiigana ruhi 

Mwendwa wakwa wanjiraga Watuire uhoyaga Ngai Niguo akuonithanie na nie ii Ngai akiigua ihoya riaku Woigaga ingigwitikira We nduri hindi ukenda ungi Riu nguona wendo witu ií Ni munjuge mwendwa wakwa 

Arata aku makwiraga Munyendi utigane na nie Ndingituika mutumia ií Ndutaga wira wa kuina nie ndiakwiringiriirie Nie Queen Jane ndiakui Niwe wokire kunjetha ií Na no wakiui ndi muini 

Gwakwa riu gwatuikire Otari kwa operator Nduire huragirwo thimu ií Ni thú cia wendo uyu witu Njiragwo ndigane nawe Kana nywenjwo itari maai Ngirumagwo irumi njuru ií No ngoiga ndingienyenyeka 

Ni maingi Jane nyonetio Niundu waku mwendwa wakwa Mbaara ya mwiri ngahurwo ií Mwendwa na ngakiriria Nguuria nie ngorira thí Woi ta miriiyo ya ngia Nikio ni ngwenda kumenya ií Ndi kwa ngú kana gwa ithuki 

Ni kwerirwo mwere mwega Naguo umenyagwo na ngetho Akorwo niunyendete ií Reke tumenyithie aciari Ruracio rutiri bata Ta tuheo kirathimo Magetha ma wendo witu ií Tumagethe mwendwa wakwa 

Na tondu tene ni tene Na thutha ni mugiano Ndikwenda ngainira ihugo ií Ta múka uri kironda Ndikwenda kurugarugio Nie ta githeri gia cumbi Macookio ngwenda na ihenya ií Kana utigwo ukiyariria…

Cucu wagakunga

Andu othe ukani ií, Mwihike na gikeno Ni kia mwana wa ndigwa akigia muka, Ndiri baba ií Na ndiri maitu, Níí arata ií majiarire na magikua ii wui arata Ngitigwo na cucu witu íí Wagakunga ií Cucu andera na thina níe nginya ndaigana ií Thiíri wake ni múnene nie ngamuriha na kií? 

Ngai íí baba, Uteithie Ndicu Na uteithie Cucu Wagakunga ií Wagakunga Kunga Cucu íí Wagakunga! Thiírí wake ni munene nie ngakuriha na kií? 

Muiritu uyu ií, We niwe ndirenda ií Utuike mutumia wakwa nie tuikaranie, Cucu anyitwo ni ihoru ií ukamuruta Cucu arumwo ni thuuya ií ukamuruta,  na nie ndona ciringi imwe tukagayana 

Utamerithitie ií, Ndatigaga kuhanda ií Cucu njukiria tene thie ngethe mutu mutu wa hwa-ini tutikararire niamu gutiri witu ukoima na njira 

We mwanake uyu ií, Riria uranyua mucuba ií uririkane muciari ni aguciarire, Niguo ndukananitwo ii we ni kirumi Wathie gutwarithia ngari na ndereba ithatu; Ino ni thigara iri kanua íí Na iri kiongo Uyu ni muhiki ari haha ií na ari kiongo ií Ukona ungi mukira-ini na ari kiongo ií, Ngari igoka ikiguthana ií mugagithira ií Kiu ni kirumi gia aciari ií Gitangigirika 

Wagaithuma ií Mahurire thani ino Maigwe mari kuria mari Wagaithuma ií Mena matu na matiigwa ií Wagaithuma ií Mena maitho na mationa ií Wagaithuma ií Andu aitu mari guthira ii na ni kirumi ií Kirumi kia uri muoyo gikirite kia uri irima 

Wairuri

Ií Wairuri we!,rekia muhinjia ngingo Wairuri we! rekia muhinjia collar Reke ugirirwo neti onawe twohithanio Nduike wa ndebe igiri o uria gikaina kīine 

Kinuthia ndarekio ni waradi ya Mathare, Nake Wairuri wakwa agicokio o Mathare, Ndainukire Kiambogo kuri maitu Wairimu, Na ngianjia guthiaga Catholic oro kiumia 

Ngoma nake agithiī kwi Ngai akihoya rutha, Ta uria ahoeire Ayubu rutha amunyamarie Namo maitho ma mwiri namo monaga o mwiri Ngoma agicera gwakwa na thuti ya kaunda 

Chorus

Muici akiiya na thuti, muthigari ena thuti Maitu akiumirirwo ni caitani na cioneki Akinjira, muriu tondu nguona ta ngurire Mundu ndakengaga ta muti, muriū hikania 

Na tondu kiugo tia muciari ni riathani Ndioririe Ngai kiuria ndakorire mubia Ngimwira uria maitu ararotire kiroto-ini Akiuga ucio niwe Ngai, ndicagurire mwene 

Maitho ma mwiri manyonirie Lucy Karimi, Wareretwo na mucere kuma Ngurubani, Tukihariria uhiki na tugitangatithia, Redio-ini, ngathiti-ini nginya terebiceni 

Uhiki wakwa wari wa mweri wa mugwanja, Nake wairuri ahetwo rutha mweri wa itano, Ari kwao Karatina akiigwa na kameme Kinuthia ni areka uhiki na Lucy Karimi 

Isabella

Isabella thimu iria ndirahuriirwo hwai ni ya kairitu twari ndugu twi gicagi ndatigire ndakera nindigaceragira ndoka nairobi twonana ukingurukia ngiriganirwo niko nie ngigwa nawe ngiriganirwo niko nie ngigwa nawe

Isabela he rutha ngarore kavindu karoiga nigekwiita ndaga gukona na ndirenda gukerira thimuini ndina mundu Isabela he rutha thie tu ngakone Isabela he rutha ngagaikie ritho

Isabela niui ndikuhithaga white kavindu twari ndugu nie nindakendete ningu ni nie mukaruti wendo gatioi kuigua nigekwiita no ngaringwo ni tha kuigua nigekwiita no ngaringwo ni tha

Thakame ni nditu kwi mai malkia na wendo ungiingira ngoro ni hinya kuma ona akorwo ninguhikitie malkia itikira tu baby thie tu ngakone itikira tu baby thie tu ngakone

Ningukuwa mbica itu twi nawe mwendwa karega nihikanitie baby ndikonie uria itarenda nigaikare kena ciuria kana keyuragie kaai gwathire atia kana keyuragie kaai gwathire atia 

Isabela wona ndathie ndigukuhitha kavindu koiga ndika hugi nigwika uguo koiga ndikahure kiss ningukahura no ningukera ati nie ndi muthuri wene no ningukera ati nie ndi muthuri wene

Mbia ininaga ndarwa na igutha mwendwa na muhuthia niguo uharurukagia mwatu ndingienda kuigua nigegukua nindu wakwa ndingienda ngorio thakame yako matuini  ndingienda ngorio thakame yako matuini