Date ya muico

Therera ngoro, KaVarnette ũnjĩre Kana harĩ ũndũ ũiguaga tũkĩaria Kana Varnette nĩkũnienjoĩ Na Gĩkũyũ-inĩ kwĩrĩrũo ti kũneo. 

Ta ririkana tũkĩmenyana nawe Ndeetĩtwo ũthoni nĩ Kĩmiri wa Toro Na twarĩ aingĩ ona kinya arap Kene Ũkĩnyunira riitho ngĩthũka kĩongo. 

Date ya mũico tũgacemania Mĩĩrũ Muoka mũrĩ eerĩ ngagũtigania Merũ Na thiĩ ngwĩthambe ta ndooro ya gũthinga Na ndiganĩrũo kana nĩndĩ ndakuona. 

Ngoro ĩno yakwa nĩndaiguire yakwenda No ũrĩa wĩmbihĩbaga he na thĩĩna Ndirĩ ndakũhe date ũgooka wĩ wiki Na cia mũciĩ ti como we KaVarnette 

Date ya mbere ndakwĩra ũũke taaũ Muokire na mũhiki ũmwe mũtungu Ngĩkwĩra hĩndĩ ĩyo ĩngĩ ũgooka wĩ wiki He tũmaũndũ ingĩenda twarie tũrĩ eerĩ 

Date ya mũico tũgacemania Merũ Muoka mũrĩ eerĩ ngagũtigania Mĩĩrũ Na thiĩ ngwĩthambe ta ndooro ya gũthinga Na ndiganĩrũo kana nĩndĩ ndakuona. 

Tũkĩaria na thimũ njiguaga wega Kũiyũrĩrĩrũo kinya ngaigua gũcũnga Nĩ ciugo njega ũnjĩraga cia wendo No ndakwĩra ũũke mugooka mũrĩ aingĩ. 

Nĩuherethitie kuigana Varnette Hĩndĩ ya keerĩ ngĩkwĩra ũũke Thĩka Muokire mũrĩ aingĩ kinya tata wanyu Mũkĩrĩa mũkĩnyua hakuhĩ mũũthĩnie. 

Date ya mũico tũgacemania Merũ Muoka mũrĩ eerĩ ngagũtigania Mĩĩrũ Na thiĩ ngwĩthambe ta ndooro ya gũthinga Na ndiganĩrũo kana nĩndĩ ndakuona. 

Date ĩno ndĩrakũhe nĩyo ya mũico Mweri ithathatũ tũgacemania Merũ Nĩguo ũmenye na wĩtĩkie ndĩ (serious) Muoka mũrĩ eerĩ ndigakwarĩria rĩĩngĩ 

Varnette therera ngoro tu ũnjĩre Ndigatũũre handũ hamwe ta ndutura Aakorwo nĩũĩ biũ nĩũnyenda Tiga kũherithia na wendo ndĩ o mũndũ. 

Date ya mũico tũgacemania Merũ Muoka mũrĩ eerĩ ngagũtigania Mĩĩrũ Na thiĩ ngwĩthambe ta ndooro ya gũthinga Na ndiganĩrũo kana nĩndĩ ndakuona.