Cũcũ nĩaheire rũgano atĩ akĩrera mami Arĩ kairĩtu kanini agĩkarũnga icũrĩ Tondũ nĩendaga gakũre na ciĩko iria njega ĩĩ Ningĩ njũgũma njega atĩ yumaga ikũrĩro Nĩagakanagia gũceera na tũmwana mũno Nĩgetha njohi ya ithe ndĩkanae gũitĩka Gatikanathiĩ rũriĩ gakinye mandang’a ĩĩ Atuĩke mũkomania icinga sumbua ya mũciĩ
Ndoraga mũtumia ũrĩa waciarire mami Ngaigua ngoro ĩno ĩkĩmwenda ngaigua gũthũthũiya Nĩndathiaga gwa cũcũ niĩ o kũmũcerera ĩĩ Ndakinya ngerwo gacũcũ taikara haha Cũcũ agacoka na nyũmba akandutĩra itaha Ngarĩthĩya njamba nini magego ndĩnamo Ngĩthiĩ kũnina nganeo kĩihũri gĩa ũcũrũ ĩĩ Ngaigua mwĩrĩ woka wega ngoma ota mbũmbũĩ
Ngenagĩra cũcũ witũ nĩkũrera mami Arĩ na mĩtugo mĩega ĩrĩa ya mũtũrĩre Akĩigana nĩathire ũguo akĩonana na daddy ĩĩ Nake baba akĩrĩ o kanda njega ĩteyagagia Agĩĩta athuri itũũra-inĩ makahande ithĩgĩ Mathĩnje manyue gacohi ciana ikĩ3rathimwo Mainũka tondũ nĩmũĩ thakame no njĩthĩ ĩĩ Magĩciara twana tũingĩ na Njagi akĩoneka
Cũcũ anjĩtaga akanjĩra ũnini wĩ bata Na wĩ mwana mwathĩki anga wĩ bata makĩria Ndũkanatuĩke mũrindũ mwana ũtaiguaga ĩĩ Wagũtũmagwo nĩ aciari ake akahiũria mũtwe Gwathĩka gacũcũ gakwa kũrĩ kĩrathimo Watuĩka kĩnanirĩ ũrĩrĩaga rũitĩki Ũgathiĩ ũkĩhenagia andũ atĩ nĩwamenirwo ĩĩ Na wĩ mwĩhuhĩri gĩtige kũria igĩitĩka
Ũkĩneneha nĩũkaigua mwĩrĩ ũkĩgĩa hinya Icoka cia mwĩrĩ nacio wone nĩiramera Ndũkanehũre gĩthũri thĩ nĩrĩ magego ĩĩ Na thĩ ĩno gacũcũ gakwa ndĩkĩendaga ũrũme Ndũkanendage gũceera na ciana iria nemi Ciatuĩkire mbũrĩri itirĩ kĩndũ inyitaga Igĩthiĩ kũgũa rũriĩ ndũkanagũe nacio ĩĩ Wendo ũrĩa ngwendete naguo ndingĩenda ũkahuka
Cũcũ mwĩna guka witũ Ngai aromwendaga Na mũtũũre mĩaka mĩingi nĩguo ndĩmuonage Oo inyuĩ kĩhumo gĩakwa na mũciĩ wa daddy ĩĩ Mwĩ mbeũ ĩrĩa ya gũtũũra Ngai amũrangĩre Nawe baba mwĩna maitũ kĩoni mwanyonire Ndikanamũtengũra ona kana ndĩmũcokerie Nĩndĩathĩkaga oro wega ningĩ ngamũkenia ĩĩ Nĩgetha rũciaro rwakwa mũkĩrũrathime
No comments:
Post a Comment