Tuesday, February 25, 2025

Ngai turangire

Muthuri utigaga thome wake utari muhinge, Ucio utacokagia guoko na thutha ekire githigii, Uria utaicuhagiria anake ake mutito njuguma, Kana arekererie ciana na mahiu ikirio ni hiti;

Ngai turangire ii turi a ngoriai, Itari gitong’oe fimbi ihuragwo ma ndomba ni Ngai x2 

Kiugo sawa sawa ni kiri raithi mundu agitumuka, Rui rukoina thakame iri o ndwara-ini cia hinga, Na ikarurungana cihaice kirima woi ni twoherwo, Nake uria kirimu akoiga kaba guo mungururio uthire 

Riu ici cionje ciri gwa Gikuyu ingituguna naki, Na tiria ciiragwo ni wendi wa Ngai tukiuge akumio, Ni athuri gutharia thingira na ngu cigotwo ni aka, hinda ni riuku Gikuyu murie nuu uri nja nyume 

De’mathew ndoiga tuthii Machako tucarie Muthoni, Kabete ikoiga ati niari kamuti matiirianira, Metumi ikoiga ndathii gwa athiini ningugia ng’aragu, Ngakunya mahiga ngamenya nyumba niyatukanire.

Njohi iria ndiyani cingienda kugerio ni gwaku Baba, Cianyuuo cigate anake aku maitho uri ona ruthanju, Ari angi makahuna mwena wa uciari tukoiga ni sawa, Mbeca ni ciethwo no itikanaingihe cikaaga wakuria. 

Mungienda kirira Gikuyu ndamuhe tondu ndiri mbo, Na mungienda rwathiko na munjigue ni Ngai kwenda, Murianagira no hinga irona murimo wa iria, Mugacokaniririo oro gatumu ka weru wi ngi. 

Muma uria Gikuyu mwanyuire ukiruma no wa Gitaru, Uria wa kirore ciana cia airitu citikanarue, Mwaga kwihuga na mwire guka aheane ituika, Kimera tuguthii mugatigirirwo mutitu wa Rari.

No comments:

Post a Comment