Wagakunga niarathire, riua nituotire, Tondu oigire gutiiri riaraga na ritiotuo, Nie niguikira mukonde, riua nimuguota, Mwaga kuigua ruru mueterere hiti iria ikamuria
Hiti ndiri yaria mwana, mbugu ndarua iguru, Ciiga ciana tuiciariire muaciita Mungiki, Ona andu aitũ rigukeka, mbugu icokio kinya, mwariguo gutiri ruru Gikuyu ruagaga njau
Mwana wa kairitu niwe nyina wa bururi, Mwana wa ngari nake agikunyaga o ta nyina, Airitu ti aingi Gikuyu maranyuiruo njohi, Aciari atumia ninyui ndagereka na mururi,
Mwoiga njogoo ni nguru, muthinjiiruo murie, Muti utegutemwo ngwire ndugeragio ithanwa, Muthuri aikariire njung'wa nionaga hanene, Kuri kihii gikiiya macungwa ki muti iguru
Ciana citu niithomithio uugi wa mabuku, Uugi uria wa muciariire umaga kwi Ngai, Tutikanakirio nganya ni mbari ya njitha, Wanjambio ira ni mwene iyo, nyumba nitumei toro
Ona riua rigiotagwo, muigue andu aya, Mundu wothe uguituo muithi, niwe riracina, Arikagiria hawker-ini, kana makanga-ini, Na kuu atuikite thia, ariaga akihugaga
Umai umai andu aitu njamba citu, na mumenye thumbi na nyaga ni citu x2
Mwene Nyaga ikuruka na utheri waku, Bururi urenda atongoria akindiriku x2
No comments:
Post a Comment