Uyu mugambo ni wa Ngai we mwene, Nie hana Jonah ngawaria Nineveh Ingigakinya Gíkúyú mwiriyaniírie Njitikie ukaiguo ni mahiga
Mburi cia kiama ni cinengerwo athuri Kamatimu ikamukirie makuya Kanitha wa Ngai uge unduire ucokio No muma wa kirore ndukaigúkuo
Ní ciao ici irarirwo ni ngari o thome Muthuri mwene akomií kihihíro Njohi imurie ainuke akiina mburi ciake Agathie rúúrú akore ciathirire
Ihii ciitu ni icokio kirugú-ini Ikarangira mahíú maitu kwarica Nao athuri a riika ria ndege nimethwo Magacokia rurira mitambiro
Hiukia kigacwa aka a mbari ya Mumbi Mwike mungururio njohi ma ithire Matumbi mathayo manyihanyihe gwitu Nari tukagia njamba ingitutukia
Kenyatta wa Muigai agitwarwo Lodwar Oheirwo kuria ithui tukeyatha ri Anake aitu matige gwitwo maritwa Kana ituika rikaga mwamukiri
Hiti iria ikaria tombo uyu wa Demethew Menye ikahuna iruga ria Ngai Ni ikagia ugi wa gwathana weru-ini Kana igie kirumi gitagathira
Atumia aitu ni magurwo na rúúrú Thakame yacio irúmagie mohiki Kirathimo kíumage gaturume-ini Karia muhiriga wao ukaruma
Kanitha uria ukunita ndumiriri ino Mumitambie ruriri-ini na kinyi Ni ukaiguo na nginya ni njiarwa ciitu Ngai wa Gíkúyú niakawamura
No comments:
Post a Comment