Tugatigithanio Ni Gikuú BT6 157

Mwendwa wakwa ni ngwendete ta gicuhi kiri kiara, Kana nguo iria ciakwa cia toro Ni ngwendete ta gicicio kierekeirio kuri riua, Kana icungwa mweri-ini wa Mugaa; 

Riu tondu nigwatuka tutari turonana, Nacio irima ni iratuka irathiro, Riu ni kainia muriigwa, nyoni icoke itara-ini, Ingiri mathagu wamenya ni ngwenda 

Guitar

Ni nguigua ngiria ikigamba ni amu ni ikiria nyoni, Nacio hiti ciambiriria gutheka Na rugongo rwanyu ndaigua ati muri arigicirie Nguuria mwendwa wakwa ngakimwona ri?

52 niguo majeneti ya mbiríire Kenya, Niguo ndeharirie guthií kwa mwendwa, Murimo uria ni gotora na uyu ungi gatua uhoro Thigino nacio ciauraga ta mbura 

Guitar

Kwari muthenya wa Njuuma mbura ya tutungiirie; Mworia nyoni mweri wa heho nene, Nacio Johnie ciakafite rutumo nginya kianda Mwendwa wakwa njeterera ndi o njira 

Ndakinyire kwao múcií ta ruoro rugitema, Riria hiti na mbwe icokaga micie, Nacio nyoni cia riera-ini ni cia cura curaga No nie itatumiirwo kandi ya uhiki 

Guitar

Nyina wake ni akenerire ona ndirí nguraro, Mutumia mweru muno uri ikere Mwendwa nake ari riko-ino Athekaga ona kamwena, Twetereire ndagika ya muthiya 

Kwari muthenya wa kiumia ngengere yahuragwo, Aciari akwa makoretwo makinya Ngiira mwendwa kahinda gaitu nako ni gakinyu, Tuikaranie ta muthuri na muka 

Guitar

Muthenya ucio Nyerí gwothe kwanungite o thakame Jamba ciatindite micie ni guoya Maigwite ni kwonwo mundu uraikia banga mairu kenda Twaheirwo gwa gukoma ni mubia 

Jumatatu twokirire ta mara agite nyina, Ngíra mwendwa turirara Kangema; Ni twonire thina muingi tungigakinya mucie Mwendwa tugatigithanio ni gikuú 

Guitar

Mwendwa wakwa ni ngwendete ta gicuhi kiri kiara, Kana nguo iria ciakwa cia toro Ni ngwendete ta gicicio kierekeirio kuri riua, Kana icungwa mweri-ini wa Mugaa 

Jumatatu twokirire ta mara agite nyina, Ngiira mwendwa turirara Kangema; Ni twonire thina muingi tungigakinya mucií Mwendwa tugatigithanio ni gikuú